Գիրք-տետրը երեխաների համար հնարավորություն է ստեղծում տարբեր գործնական առաջադրանքների միջոցով տարբերակելու նշված հնչյունները փակ և բաց վանկերում, բառում, բառակապակցություններում, նախադասություններում, ինչպես նաև հատուկ հորինված փոքրիկ պատմվածքներում և տարբեր շուտասելուկներում, որտեղ հնչյունը (ձ, ծ, ց, ջ, ճ, չ, ս, զ, ժ, շ) հաճախ է գործածվում բառի մեջ տարբեր դիրքերում` բառասկզբում, բառամիջում, բառավերջում:
Այս հրատարակությունը իր գործնական առաջադրանքներով և խոսքային նյութով մեթոդապես կօգնի տարրական դպրոցի ուսուցիչներին, լոգոպեդներին, հատուկ մանկավարժներին, ինչպես նաև ծնողներին` հաղթահարելու երեխաների մոտ առկա` որոշ հնչյունների արտաբերման և տարբերակման հետ կապված բազմաբնույթ խնդիրները:
